Cun elavurar que carnet sametas tei sen egn vieadi d’exploraziùn tras la Svizra, tut tanor igl moto: la veia e la fegnamira. Igl vieadi magna an mintga cantùn da la Svizra, tras las 4 regiùns linguisticas, sur igls pass da las Alps, tier lais a flems sco ear an martgieus a vischnàncas. Tei veans dantànt betga me a vagnir a saver blear digl tains dad oz, mobagn sametas ear sen egn vieadi tras igl tains anavos antocen agl tains da crap.
Co tei lavuras cun que carnet vean surscho a tgei ad a la tia classa. Tei sas studagear post par post a schliear las leztgas latier near tschearner la ti’atgna suczessiùn. Antscheva dantànt cugl post 1. Qua sas tei nudar gl’amprem la tia presavida.
Par capir igl cuntegn digls posts 14 antocen 26 davart l’istorgia da la Svizra fa’gl sen, scha tei elavuras gl’amprem igls posts 2 antocen 13 agl conex cun la geografeia da la Svizra. Partge me scha tei sas noua ca tge cantùn satgata, sas tei ear capir igl svilup da la Svizra dad oz.
***
Per lavurar cun il carnet tematic vegn duvrada ina charta da scola svizra u l'access ad ina charta online.
Material supplementar (mo per persunas d'instrucziun)
Per retrair material supplementar gratuit en rumantsch u en talian As annunziai per plaschair per e-mail sut: lmv@avs.gr.ch
