Cun elavurar quest carnet tematic ta mettas ti sin in viadi plain scuvertas tras la Svizra, tut tenor il motto: la via è la finamira. Il viadi maina en mintga chantun da la Svizra, tras quatter regiuns linguisticas, sur pass da las Alps, a lais e flums sco er en citads e vitgs. Ti na vegns però a savair betg mo bler dal temp dad oz, mabain ta mettas era sin in viadi tras il temp fin en il temp da crap. Sin las paginas 4 e 5 chattas ti la charta da scuvertas. Quella gida tai a tegnair la survista da tut temp.
Ti e tia classa decidais co che vus lavurais cun il carnet tematic. Ti pos studegiar post per post e far ils pensums latiers ubain eleger tia atgna successiun. Cumenza però cun il post 1. Qua pos ti nudar l'emprim tia presavida.
Per chapir il cuntegn dals posts 14 fin 26 davart l'istorgia da la Svizra fai senn, sche ti elavuras l'emprim ils posts 2 fin 13 en connex cun la geografia da la Svizra. Mo sche ti sas, nua che tge chantun sa chatta pos ti era chapir il svilup a la Svizra dad oz.
***
Per lavurar cun il carnet tematic vegn duvrada ina charta da scola svizra u l'access ad ina charta online.
Material supplementar (mo per persunas d'instrucziun)
Per retrair material supplementar gratuit en rumantsch u en talian As annunziai per plaschair per e-mail sut: lmv@avs.gr.ch
