farbig illustriert, in Kartonhülle
Igl tema «medias ed informatica» influenzescha la nossa societad ed è exponia ad ena dinamica enorma. Unfants e giuvenils creschan se oz ainten en mond plagn medias analogas e digitalas. La scola vign damai confruntada cun la sfeida da preparar las scolaras ed igls scolars per la veta ainten la societad digitalisada e d’igls gidar d’amprender a duvrar cun responsabladad las medias. Igl med d'instrucziun «inform@21» tracta chest tema e sustigna la scola da realisar igls cuntigns digl plan d'instrucziun durant las lecziuns dalla 5avla e 6avla classa. An tschintg tgapetels e quittordesch temas tgi sa basan sen igl mintgade dallas scolaras e digls scolars vignan igls cuntigns elaboros, approfundos e reflectos. Scu material da lavour stattan a disposiziun an chesta mappa tredesch figls fodos ed ena broschura.
