Cun elavurar quist quadern at mettast in viadi per explorar la Svizra, tuot tenor il motto : la via es il böt. Il viadi maina in mincha chantun da la Svizra, tras 4 regiuns linguisticas, sur pass da las Alps, pro lais e flüms sco eir in citads e cumüns. Tü nun inscuntrast be il temp dad hoz, ma at mettast eir in viadi tras il temp fin pro’l temp da crap.
Co cha tü lavurast cun quist quadern es surlaschà a tai ed a tia classa. Tü poust elavurar post per post e schoglier las incumbenzas lapro obain tscherner svess ti’aigna successiun. Cumainza però cul post 1, quia poust tü eruir il prüm teis presavair.
Per incleger il cuntgnü dals posts 14 fin 26 davart l’istorgia da la Svizra faja sen, scha tü elavurast il prüm ils posts 2 fin 13 in connex culla geografia da la Svizra. Be scha tü sast ingio cha quists chantuns as rechattan, poust tü eir incleger il svilup cha la Svizra ha fat fin hoz.
***
Per lavurar cun il carnet tematic vegn duvrada ina charta da scola svizra u l'access ad ina charta online.
Material supplementar (mo per persunas d'instrucziun)
Per retrair material supplementar gratuit en rumantsch u en talian As annunziai per plaschair per e-mail sut: lmv@avs.gr.ch
